Sundance Film Festival-ah Taylor Swift documentary
Utah, US-a nakkum January 23-a neih tur Sundance Film Festival hawnnaah Taylor Swift documentary film tihchhuah a ni dawn.
He documentary film hi 'Taylor Swift: Miss Americana' tih a ni a, Emmy award dawng tawhtu Lana Wilson direct niin, Academy Award dawng tawhtu Morgan Nevill chu producer a ni bawk.
"He documentary-ah hian kan generation-a mi ropui, zaithiamTaylor Swift rawn chawr chhuah dan kan hmu dawn a, music khawvela a rawn hlawhtlin chhoh dan mai piah lamah khawvel a hmachhawn dante kan hmu thei dawn a ni," tiin producer Nevill chuan a sawi.
Music video thar a tichhuak
Taylor Swift hian nimin khan music video thar 'Christmas Tree Farm' tih chu a tichhuak.
He music video-ah hian a naupan laia Krismas leh thlasik hun a hman dan video-te a tilang nasa hle a, kum 2 mi lek a nih laia a chetla vel pawh tilangin, a fan-te pawhin an lawm hle.