Zaninah Classic Rock Fest

Facebook-a rimawi group pakhat, classic rock ngainatute chuan kum 2015 aṭanga kumtin an lo kalpui tawh, Classic Rock Fest '25 (CR Fest) chu zanin hian Vanapa Hall-ah an buatsaih leh dawn a, Mizo rock band ṭha an inlan ang.

Tun ṭum CR Fest hi a kum 10-na a nih bakah, kumin July thlaa rock star boral Ozzy Osbourne tribute a ni nghal dawn a, band perform turte hian Ozzy hla pawh an sa dawn a ni. Ticket a awm dawn lo a; mahse, Aizawl Civil Hospital a damlo harsa zualte tan bawm dawh a ni thung dawn. Rock music lam ngainatute tan chuan a hmuna kal a manhla viau ang.