Zaninah Heritage Hub, Falkland lamah Heritage Food Hub Hawnna

Zanin hian Falkland Vengah ei tur tui tak tak awmna hmun pathum nuam tak tak- Heritage Food Hub hawn a ni dawn. Hetah hian Scarlet (restaurant), North East Food Court  leh Moctail Bar hawn a ni dawn.

Tun dinhmunah Heritage Hub-ah hian Heritage Lounge, Heritage Hall of Fame, Heritage Club Exclusive leh Aizawl View Special-te a awm mek a ni. Heng hmunah hian North East Thali, Pan Asian Cuisines, Exotic Food, Chinese Food, Moctails, Juices , Shakes,  Barbeque items tui tak tak ei leh in tur a awm dawn.

Hemi rual hian, Heritage Divas leh Stars atana thlante thlalak tarchhuah chu mipui hmuh theihin phochhuah a ni dawn bawk. Heritage Hub hi Heritage Lounge tiin, Kum 2013 April ni 14 khan din a ni a, Mizoram ṭhalaite leh Mizoram Enter­tainment Khawvel tan hmun chhinchhiah tlak a ni chho bawk. Heritage Hub hmun thar hawn­naah hian Mizo ṭhalai zinga chawimawi phute hnenah Heri­tage Divas leh Stars hlan a ni ang.