Dhurandhar-in box office aṭangin Rs vbc 500 la lut tawh

Bollywood film thar, Indian actor Ranveer Singh channa 'Dhurandhar' chuan tihchhuah a nih aṭanga ni 10 chhungin khawvel pumah Rs vbc 500 a la lut tling tawh. 'Dhurandhar' hian Hindi film tihchhuah tawh zingah khawvel huapa sum la lut hnem ber record a siam nghal a, hei bakah kumina Indian film sum lalut hnem palina a ni pha der bawk.

Dhurandhar hi spy thriller niin Aditya Dhar direct a ni a, Ranveer Singh hian lead role a chang a; Bollywood star lian tak tak Akshaye Khanna, Sanjay Dutt, Arjun Rampal, leh R. Madhavan-te nen an chang ho a ni. Ranveer Singh chuan a film chan tawh zinga sum a la thawh chhuah tam ber a ni pha a; Deepika Padukone channa Rs vbc 303.15 la lut thei 'Padmaavat' a rawn khum thei nghal bawk. Tihchhuah karah khan Rs vbc 207.25 a la lut thei a ni.