India-a Whatsapp hmangtu dinhmun khirhkhan dawn

Meta enkawl khawvel huapa messaging app lian ber pawl, Whatsapp chuan India rama hmangtute tan dinhmun khirhkhan a thlen ngei dawn niin a lang. Hei hi India sorkarin ram chhunga cyber kaltlanga inbumna tam lutuk tihremna tura kaihhruaina thar a siam vang a tih theih. Kaihhruaina tharah hian app-based communication service-te chu SIM card nung chauh hmanga thlunzawm theihna kalpui tum a ni.

Digital advocacy group, policy expert, leh digital platform industry group aiawh eng emaw zat Meta pawh telna chuan, hmalakna vang hian tunlaia nitina Whatsapp hmang ṭangkai ṭhin, mimal leh sumdawngte chuan an tuar ngei dawn niin an sawi. Cyber kaltlanga inbumna avang hian kum 2024 chhung khan India rama sum hloh hi USD tld 2.5 a tling.

App provider hrang hrang Meta, Telegram, leh Signal-te chuan hriattirna tihchhuah November 28 aṭanga chhiara ni 90 chhungin an kaihhruaina thar siam hi an zawm ngei tur a ni tih a ni bawk. Hemi vang hian messaging app hmangtute SIM card hman chu phone-ah a awm ngei a ngai tawh dawn a ni.