Lehkhabu bawm: 'ISUA A TEL VE' tlangzarh

Kristian Ṭhalai Pawl, Ramhlun Vengthlang branch chuan an branch Silver Jubilee puala lehkhabu an buatsaih, 'ISUA A TEL VE' tih chu an tlangzarh. He lehkhabuah hian kawng hrang hranga an hming kan lo hriat fo tawh, mi chhuanawm tak tak Dr. Krista Roluahpuia, Dr. Ramdinthara Sailo, Dr Sangthankima (Founder TNT), F. Vanlalrochana, Lallianzuala Chhangte, Lalremsiami Hmar, Rev. Dr. Lalchungnunga, Rev. Dr. Vanlalbela, Rev.Vanlalzuata, Upa C. Ngurthantluanga, Upa Lalnunpuia Hrahsel leh Upa Sanglianthanga te chuan an nuna Isua a tel ve dan chanchin ngaihnawm takin an ziak.

Lehkhabu hi Rs.150 man chauh niin, ṭhalai leh kum upa zawkte tan pawha chhiar manhla tur tak a ni. Lehkhabu dawr hrang hrang; Synod Book Room, Baptist Book Room, Lianchhungi Book Store leh Book Cafe-ah te lei theih a ni a, pawl anga zuar duh tan pawh zawrh theih reng a ni.