'All I Want fot Christmas is You' in record siam

Kum tina Krismas dawna lar thar leh ṭhin, American singer-songwriter Mariah Carey single, 'All I Want for Christmas Is You' chuan Billboard Hot 100-ah record siamin, kar 20 chhung No.1 a ni ta.

Kar hmasa khan he holiday anthem hi chart summit-ah kir lehin, kar 20 chhung pakhatna dinhmun a luah tawh a, Lil Nas X 'Old Town Road' feat Billy Ray Cyrus leh Shaboozey 'A Bar Song (Tipsy)' te record a khum a ni. 'All I Want for Christmas Is You' hi vawi 77 Hot 100-ah a lang tawh bawk. Carey hian Hot 100-a No.1 nihna a chelh vawi hnihna niin, kum 1995 khan Boyz II Men-te nen an hla, 'One Sweet Day' chuan kar 16 No.1 a luah thei a, kum 23 chhung record an siam a ni.

Chart-ah Krismas lam hla an langsar a, Brenda Lee 'Rockin’ Around the Christmas Tree' chu pahnihnaah awmin, Wham!s 'Last Christmas' chu pathumna a ni bawk. Palinaah Bobby Helms 'Jingle Bell Rock' awmin, panganaah Ariana Grande 'Santa Tell Me' a lang bawk.