Becky G documentary chhuak dawn

American singer leh actress Becky G documentary, 'Rebecca' tih chu kumin December 31 aṭang hian Netflix-ah tihchhuah a ni dawn. Documentary hi nakkum January 2 aṭangin Amazon, Apple TV, Fandango at Home, Google Play leh platform dang aṭangin a lei theih dawn bawk.

'Rebecca' documentary-ah hian a mimal chanchin, rimawi lama a thiamna a phochhuah dante tarlan a ni dawn. Jennifer Tiexiera leh Gabriela Cavanagh-te chu director leh producer an ni. Executive producer zingah Becky G, Mecia Hollar, Marc Jordan, Ben Tischker, Alejandra Equivias, Mark Ford, Pat Lambert, Michael Rapino, Ryan Kroft leh Tara Long-te an tel. Documentary hi minute 98 chhung niin, kumin nipui lai khan Tribeca Festival-ah world premiere a ni.