Bondi Beach New Year Eve party cancel

Sydney, Australia-a Bondi Beach party, kum hlui thlahna tur atana ruahman lawk tawh chu kar hmasa kar tawpa inpawng kahna thleng avangin ṭhulh leh a ni. Elrow XXL Bodi Beach hi Sydney-a kumhlui thlahna atana party lian ber niin mi lar eng emaw zat inlan tura beisei an ni.

Organizer-te chuan he rimawi kut hi ram dang aṭangin khualzin 15,000 chuangin an chhim an rin thu an lo sawi tawh a, tuipui kama ni tla mawi tak thlir paha hun hman theihna tura ruahman a ni. Party ṭhulh leh tak hi December 14-a Sydney-a Jewish mite beihna chhuak vang kha niin, a huaihawttu lam hian pawikhawihna thleng vanga tuartute chu an tawrhpui takzet thu an tarlang.

Hanukkah lawmnaa thil thleng kha kum 1990-a Port Arthur massacre thlen hnua Australia-a mass shooting thleng rapthlak ber a ni. Hanukkah hmanga kalkhawm, Juda mite pawng kahnaa thlengah khan mi 16 an thi a ni.