Jason Mraz-a'n beer company a khing

Amercian singer Jason Mraz chuan a phalna lo hmasa lo a beer company 'MillerCoors'-in an advertisement-ah a hla 'I'm Yours' an lo hmang chu duh loin, court-ah a khing.

Beer company-te hian an advertisement-ah hian kumin May 4-a Redondo Beach hmuna BeachLife Festival-a acoustic version-a  'I'm Yours' a sakna chu, second 13 vel an tihlan sak thu Mraz chuan a sawi. Mraz hian a thu loa thil an tih avangin $1,50,000 chawi turin MillerCoors lakah hian thubuai a thehlut a ni.

'I'm Yours' tih hla hi Mraz hian kum 2008 khan a tichhuak a, Billboard Hot 100 charts-ah kar 76 chhung a lang a, 51st Grammy Awards-ah khan he hla hian 'Song of the Year' leh 'Best Male Pop Vocal Performance' nomination a hmu bawk.