US TikTok Awards vawi khatna hlawhtling taka sem a ni

US-a TikTok Awards 2025 vawi khatna neih chu Ningani zan khan Hollywood Palladium, Los Angeles-ah host La La Anthony kaihhruainain hlawhtling taka sem a ni. Award hi category 14 aṭanga sem niin, fan-te vote hmanga thlan a ni a; live-in Tik Tok leh Tubi-ah pek chhuah a ni a, award sem tuk aṭangin Tubi-ah hian en theih a pek chhuah a ni leh bawk.

Award ngaihhlut hlawh 'Creator of the Year' chu Keith Lee hnenah hlan a ni a, a dawng thei hmasa ber a ni bawk. "Breakthrough Artist Of The Year" chu Alex Warren hnenah hlan niin "Muse of The Year" chu Paris Hilton hnenah hlan a ni. "TikTok For Good" award chu Zach and Pat Valentine-ten an dawng.