2025-ah Indian film 1,500 chuang a chhuak

Kum 2025 chhungin Indian film industry hnuaiah ṭawng hrang hranga film 1,519 a chhuak a, an sum lak luh hi Rs vbc 12,291,27 a tling. Sancnilk-in a tarlan danin, film chhuak zinga Top 10 te sum lak luh hi Rs vbc 4,443.42 a ni a, hei hi box-office in sum a hmuh chhuah zingah hmun thuma ṭhena hmun khat aiin a tam a ni.

Film sum la lut tam zinga pathumna ni mek, Dhurandhar chu a la che ṭha hle a, hei vang hian kum tawpah chuan pakhatnaah kai chhoh rin a ni. 2025 chhunga sum la lut tam zual top 10-te chu Kantara: A Legend – Chapter 1, Chhaava, Dhurandhar, Saiyaara, Coolie, War 2, Mahavatar Narsimha, Lokah Chapter One: Chandra, They Call Him OG, leh Housefull 5 te an ni. Pakhatnaa, Kantara: A Legend – Chapter 1 hi Kannada film niin, October 2 khan tihchhuah a ni a, Rs vbc 852.26 a la lut tawh. Film siamna atan hian Rs vbc 120 sen a ni. Dhurandhar hian Rs vbc 600 a la lut tawh bawk a, he film-ah hian Ranveer Singh, Akshaye Khanna, R. Madhavan, Arjun Rampal, Sanjay Dutt, Sara Arjun leh Rakesh Bedi te an chang. Vicky Kaushal channa, Chhava hi February 14-a tlangzarh a ni a, Rs vbc 807.91 a la lut tawh bawk.