MDM-in charity concert buatsaih dawn

Music Domain Mizoram (MDM) chuan kum tina a buatsaih ṭhin, mi harsa zawkte ṭanpuina tur, charity concert chu December 23 zan hian Lammualah a buatsaih leh dawn. Ticket hi Rs. 100 chauh a ni dawn a, ticket leitu zingah a vannei berin scooty a dawng thei dawn bawk.

Charity concert-ah hian MDM artist ṭha tak tak an zai dawn a, zai bakah Mizo model-ten runway show hmuhnawm tak an entir bawk ang. Concert-a zai tur zingah Siampuii Ralte, Samsona, Rebecca & Lil Kiki, Hmingtea, Kim Kima, Mizo Idol-te, Jaui, Lilzo, Mary Dawngi, Mawi Mawia, Guru Gee, YSM, Zorinzuali Khiangte, Zaii Hauchhum, Rachel Lalnunkimi, Nanaua Hmar, Michelle Varte, Jenny Jathang, Mendal, One In Christ, Zothana, Saka leh Marina-te an tel.