Christmas hmain "The Life Of a Showgirl" a zawn loin kar 10 No.1

Billboard 200 chart tharah Taylor Swift album thar ber, " The Life of a Showgirl" chu No.1-ah a awm chhunzawm a; album tihchhuah a nih aṭangin Christmas hmaa chart-ah No.1 a zawn loa kar 10 chhung a awmna chiah a ni. Showgirl album hian kar hmasa chhung khan equivalent album unit 104,000 a neih belh leh a, 18% in a pung.

Swift album thar hralhna hi vinyl variant thar a chhuah hnuah a pung leh a, hei hian nasa takin album sales-ah a pui a tih theih. Record siam bawkin hmeichhe zinga album pali kar 10 chhung chart chung ber luah thei zingah a tel. Album hmasa, The Tortured Poets Department, 1989 leh Fearless-te kha kar 10 chhung No.1 an lo ni ve tawh a ni.

Morgan Wallen "I'm The Problem" chu equivalent album Unit 73,000 neiin pahnihna dinhmun a humhim chhunzawm. Pathumnaah 21 Savage album 'WHAT HAPPENED TO THE STREETS?' chu equivalent album unit 73,000 chart-ah a lang thar.

KPop Demon Hunter 'Soundtrack' chuan equivalent album unit 71,000 neiin palinaah a tlahniam a, Michael Bublé album 'Christmas' chu masi laia a hit ngaia a hit leh avangin equivalent album unit 69,000 neiin Top 5-ah a rawn lang thar leh bawk.