Christmas box office-ah ‘Avatar 3’ a chungnung

James Cameron blockbuster sci-fi adventure series pathumna, 'Avatar: Fire and Ash' chu tlangzarh karah North American box office-ah a chungnung nghal. Avatar 3 hian USD mtd 88 a la lut thei a ni. A series hmasa 'Avatar: The Way of the Water' erawh a pha lo viau thung a, Avatar 2 hian tlangzarh karah USD mtd 134 a la lut thei a ni.

Avatar film hmasa pahnihte kha box office-ah an cham rei hle a, hei vang hian a pathumna pawh hian sum a lak lut belh chhoh hle a rinawm. Franchise Entertainment Research chuan Avatar movie chu a tlangzarh kar lam ni loin, a hnu lamah boruak a nei lian rei zel niin a sawi.

Zoe Saldaña leh Sam Worthington chu Avatar 3 ah hian an chang leh a, Oona Chaplin a rawng lang thar bawk. North America bakah ram dang box office-ah pawh a che ṭha a, khawvel puma a sum hmuh chhuah hi USD mtd 300 a tling tawh.

Avatar film hmasa ber kha kum 2019-a tlangzarh nin USD tld 2.9 a la lut thei a, a pahnihna The Way of Water khan USD tld 2.3 a la lut bawk. Avatar 4 leh 5 hi kum 2029 leh 2031-ah tihchhuah tum an ni.