Suzuki Access 125 BS-VI tlangzarh

Mizote'n scooter kan duh ber zinga mi Suzuki Access chhuak thar Suzuki Access 125 BS-VI chu Inrinni khan Hyve Aizawl City Hall, Tuikualah Central GST Joint Commissioner Lalhmingmawia, IRS chuan a tlangzarh.

India ramah lirtheite'n boruak chhia an pek chhuah ṭhin tihziaawm nan April aṭangin BS-VI hmang chauh hralh a ni tawh dawn a hemi avang hian Suzuki Access 125 BS-III leh BS-IV chu BS-VI hmanga tihthar a ni.

LSB Suzuki chuan Mizo­ramah Access 125 BS-VI an tlangzarh hma hian 230 chuang an hralh chhuak hman a, Rs 81,099 aṭanga Rs 89,635-in lei theih a ni.

Info Bikes chief test rider Vanlalmuana chuan "Mizorama scooter hralh kal ber chu Suzuki Access 125 a ni a. BS-VI hi kawng hrang hranga khaikhinin a hmaa mi aiin a ṭha zawk viau a ni. BS-VI a nih avangin company dang angin a chakna a hloh ve lo a, chak leh ṭha zawk a nih avangin a boruak a lian leh hle ang," a ti. LBS Suzuki hian Best Value Showroom an hawng tawh a, an hmang ṭangkai leh zual dawn bawk. Vawiin 

aṭang hian Suzuki siam two-wheeler eng pawh lo nei tawhte chuan an lirthei hluite chu a tharin an thleng thei tawh dawn a ni.