2025-a film sum la lut tam ber Ne Zha 2

Kum 2025 chhunga film tihchhuah zingah kum dang ang bawkin sequel leh family-friendly te an che ṭha leh hle a, global box office an thunun leh. Kumina film chhuak zinga sum la lut tam ber chu animated movie, Ne Zha 2 niin a sum lak luh hi USD tld 2.15 a tling.

Box Office Mojo in kumina sum la lut tam film a tihchhuahte hi calendar year weekend hnuhnung ber, December 26-28 thlenga an sum lak luh aṭanga siam an ni. Superhero fare, franchise sequel bakah Formula 1 original film te an lang.

2025-a sum la lut tam ber, Ne Zha 2 hi 2019-a tihchhuah, Ne Zha chhunzawmna a ni a, Chinese mythological character behchhana siam a ni. China-ah tlangzarh hmasa ber niin a hit nghal a, ram dangh tihchhuah hnuah pawh a che ṭhain thawm a nei lian chhunzawm hle. A sum lak luh USD tld 2.15 zinga a tam zawk hi international market aṭanga a hmuh a ni. Ne Zha 2 hian animated movie zingah sum la lut tam ber record lo siam tawhtu, Inside Out 2 record siam pawh a khum nghal bawk.

2025-a movie sum la lut tam  10 :
1. Ne Zha 2 - USD tld 2.15
2. Zootopia 2 - USD tld 1.4
3. Lilo & Stich - USD tld 1
4. A Minecraft Movie - USD mtd 958.1
5. Jurassic World Rebirth - USD mtd 869.1
6. Avatar: Fire and Ash - USD mtd
7. Demon Slayer: Kimetsu no Yaiba Infinity Castle - USD mtd 715.3
8. How to Train Your Dragon - USD mtd 636.4
9. F1: The Movie - USD mtd 631.6
10. Superman - USD mtd 616.8