Billboard World Albums Chart-ah K-pop an langsar

Billboard chuan December 27 chawlhkara World Albums chart a tichhuak a, k-pop lam an langsar hle.

Stray Kids chu tun kara World Albums chart-ah an che ṭha leh ber a, “DO IT” leh “KARMA” te chu No 1 leh 2-ah an lang. “DO IT” hi Billboard 200-a top 20-ah kar li chhung a lang tawh bawk.

CORTIS debut EP “COLOR OUTSIDE THE LINES” a kar 15-na atan chart-ah la awmin, No 4 a la ni. ENHYPEN “DESIRE : UNLEASH” chu No 5 a ni a, kar 29 chhung chart-ah a lang tawh . An 2024 album, “ROMANCE : UNTOLD” pawh No 17-ah a la awm a, chart-a kar 75 a lanna a ni bawk.

ILLIT “bomb” No 7-ah a kaisang a, BTS “Proof” pawh No 8-ah a chho leh bawk a, chart-ah kar 185 chhung a lang ta. World Albums chart-ah hian TXT Yeonjun, BTS Jin, BOYNEXTDOOR, BTS Jimin, New Jeans, leh ZEROBASE te album an lang bawk a ni.