'When Doves Cry' leh 'Purple Rain' Spotify stream pung

American singer-songwriter Prince hla, 'When Doves Cry' leh 'Purple Rain' chu American sci-fi television series, 'Stranger Things' series finale-a an hman avangin Spotify stream nasa takin a pun phah.

New Year Eve-ah episode hi debut a nih hnuin 'Purple Rain' hi Spotify global stream-ah 243%-in a pung a, Spotify Geb-Z stream-ah 577% in a pung bawk. 'When Doves Cry' pawh global stream 200% in a pung a, Gen-Z stream 128% in a pung bawk a ni. A pumpuia stream punna belhkhawm chu 190% niin, Gen Z stream 88% in a pung bawk.

He hla pahnih hi Prince-a'n kum 1984-a 'Purple Rain' film-ah soundtrack atan a hman avangin, TV series-ah hman tam a ni lo hle. Prince hi kum 2016, April 21 khan a thi a, studio album 39 (soundtrack album pali leh a thih hnuah album tihchhuah pakhat), live album panga leh EP 13 a tichhuak hman a ni. Compilation album pakua a siam bawk.