'Dhurandhar' sum lak luh a pung tual tual

Bollywood film chhuak thar, Ranveer Singh channa 'Dhurandhar' chu a sum lak luh pung zelin tihchhuah a nih hnuah India film tihchhuah tawh zawng zawng zinga sum la lut tam pangana a hauh pha der tawh niin industry data-tracking portal Sacnilk chuan a tarlang. Dhurandhar hian tun dinhmunah khawvel pumah Rs vbc 1,182.25 a la lut tling tawh a ni.

Dhurandha hi spy thriller film niin Aditya Dhar direct a ni a, sum lak luh pawh a pun chhoh zel a rinawm. Aamir Khan channa Dangal chu India film chhuak tawh zinga sum la lut hnember ni mekin Rs vbc 2,070.3 a la lut tling a, Baahubali 2: The Conclusion chu Rs vbc 1,788.06 la lutin pahnihnaah a awm mek bawk. India film sum la lut hnem zingah hian Pushpa 2: The Rule chu pathumnaah awmin Rs vbc 1742.1 sum a la lut tling thei a, RRR chuan Rs vbc 1,230 la lut tlingin palinaah a ni.