China-ah 'Zootopia 2' ngamtu la awm rih lo

China Box office kum thar hnua tihchhuah hmasa berah nikum lama hma hruaitu,' Zootopia 2' chuan hma hruai chhunzawm nghalin ngamtu an awm rih lo. 'Zootopia 2' hian January 2-4 chhung khan RMB 121.5 (USD mtd 17) a lak luh belh a, China box office bikah hian USD mtd 598 a la lut tling tawh.

James Cameron kutchhuak film thar ber, 'Avatar: Fire and Ash" chuan USD mtd 15.8 la lutin pahnihnaah a awm ve bawk a, he film hian December 19 hnuah USD mtd 136 a la lut tling tawh a ni. Crime thriller “The Fire Raven" chu USD mtd 11.7 la lutin pathumnaah a lang pha bawk.

Huace Film & TV kutchhuak “Back to the Past” chu tihchhuah karah USD mtd 11.1 la lut nghalin palinaah a lang nghal a; Paramount kutchhuak 'The SpongeBob Movie' chu USD mtd 2.1 lalutin panganaah a lang pha ve bawk a ni.