WhatsApp-in group chat feature thar tichhuak

Meta hnuaia messaging platform lian, WhatsApp chuan Nilaini khan feature thar group chat huanga hman theih a tichhuak tih a puang. Feature tharah hian member tags, text sticker, leh event reminder-te tihthar a ni a; group tichangtlungtu pawimawh tak a nih leh ngei a rinawm.

Member tag hmang hian group member-te nihna chu awlsam taka chhinchhiah theih a ni tawh dawn a, group pakhatah 'Secretary' tiha chhin chhiah theih inih lain, group dangah chuan 'Goalkeeper' tih emaw inihna dang khan member tag chu thlak danglam theih a ni dawn bawk.

Hei bakah hian thu thawn reng reng chu 'text sticker'-ah siam theih nghal a ni tawh dawn a, awlsam takin Sticker search aṭangin siam mai theih a ni tawh dawn a ni. Event reminder hian awlsam takin group member i sawm bika te chu a hranpaa hrilh kher ngai loin a remind zung zung theih tawh dawn a ni.