OIC-in term thar member hlanna nei

Mizo Gospel group chuai thei lo, One in Christ chuan nimin, January 8 khan kum 2026 term thar member turte hlanna hun Synod Conference-ah an hmang. Term tharah hian member pahnih, KT.Lalbiakthianghlimi leh C.Lalramngaihzuali te chu an tel chhunzawm tawh dawn lo a, K.Lalbiaknungi (Chaltlang) leh Lalchhanhimi (Vaivakawn) te lak luh thar an ni thung.

Term thara member turte Pathian hnena hlanna hun hi Rev Lalhmuchhuaka (Bialtu Pastor, Tuikual) chuan hmangin, Central KṬP lam aṭangin David Lalruatfela leh Vaivakawn KṬP Leader Henry Lalhruaitluanga te'n hun an hmang bawk a ni.