Mary J. Blige-i’n Lifetime nen an thawhdunna pawtsei

American singer-songwriter Mary J. Blige chuan Lifetime nen an thawh dunna pawtseiin, original film thar pathum an siam dawn. Film an siam tur zingah hian Gabourey Sidibe-a direct hmasa ber, “Mary J. Blige Presents Be Happy” pawh a tel.

Blige hi Lifetime nen hian a music hmangin film eng emaw zat an lo siam tawh a, chung zingah chuan “Real Love,” “Family Affair” leh “Strength of a Woman” te pawh an tel. Film an siam hnuhnun ber chu “Be Happy” niin, Tisha Campbell, Mekhi Phifer leh Russell Hornsby-te an chang. Hei mai bakah, Blige hi Lifetime-ah hian kum 2020 khan “The Clark Sisters: The First Ladies of Gospel”-ah executive producer a lo ni tawh a, kum 2013-a tihchhuah “Betty & Coretta”-ah Dr. Betty Shabazz lem a lo chang tawh bawk a ni.