iHeartRadio Music Awards nominee a hriat ta

American Rimawi awards ngaihhlut hlawh, iHeartRadio Music Awards chu kumin March 26 hian Los Angeles' Dolby Theatre-ah sem chhuah a ni leh dawn a, hemi atana nominee pawh puanzar a ni ta. Nikum chhunga rimawi khawvela che ṭha tak takte hnenah chawimawina hi hlan a ni leh dawn a ni.

Kumin awards sem turah hian Taylor Swift chuan nomination hmu hnem berin category pakuaah nominate a ni a, album thara hla "The Fate of Ophelia" hmangin Song of the year-ah nominate a nih bakah artist of the year leh pop artist of the year-ahte nominate a ni bawk.

Bad Bunny, Sabrina Carpenter, leh Alex Warren ten dawt in nomination pariat ṭheuh an hmu a, an ni bakah hian Kendrick Lamar, Benson Boone, Doechii, Morgan Wallen, leh Leon Thomas-te chu artist che ṭha zingah an lang bawk.