Bruno Mars-a’n stadium tour neih hun tur puang

American singer-songwriter Bruno Mars chuan Nilaini khan kum 10 dawn hnuah a solo album ‘The Romantic’ a ti chhuak dawn tih puangin, hemi rual hian kumin April thla aṭangin continent pahnihah thla ruk chhung stadium tour a nei dawn tih a puang bawk.

‘The Romantic Tour’ hi Live Nation chuan a produce dawn a, North America, Europe leh U.K. ah show 40 dawn neih a ni bawk ang. Tour hi April 10-ah khuh hawn a ni dawn a, Toronto Rogers Stadium, London Wembley Stadium, New Jersey MetLife Stadium, leh Los Angeles SoFi Stadium-te pawh a huam tel a ni.