Lehkhabu bawm : 'Mizo Lalnute vol-2' tlangzarh a ni

Mizo zinga lehkhabu rotling tak tak lo siam tawhtu Dr. Lalhmachhuana Zofa lehkhabu ziah, ‘Mizo Lalnute Volume 2’ chu nimin khan NECS, Conference Hall, Chanmari-ah tlangzarh a ni. Tlangzarh inkhawm hi Lalthara IAS (Rtd.) chawimawina programme nena kaih kawp a ni a, Robert Romawia Royte in programme hi a kaihruai a ni.

Dr. Lalhmachhuana Zofa lehkhabu, ‘Mizo Lalnute volume 1’ chu nikum December ni 17 khan tlangzarh a lo ni tawh a, tun ṭuma tlangzarh tâk Volume 2 hi Lalthara IAS (Rtd) hian a tlangzarh a, bu khat ₹250/- man tur a ni. Dr. Lalhmachhuana Zofa hian Mizo History leh a kaihhnawih tam tak Mizo Lalte, Indo leh Inrûn, Mizo Khua, Mizo Hmun Pawimawh, Lui leh Tlangte bakah a dang thahnem tak a lo ziak tawh bawk.

Mizo Lalnute Chanchin Volume 2 hi lehkhabu 165 a ziahna niin, Mizo Lalnute hi Volume 12 thleng daih chhuah tura buatsaih a ni.