Hip-Hop Artist Billionaire hmasa ber - Jay-Z

Forbes magazine chuan American black rapper Jay-Z chu Hip-Hop Artist zinga Billionaire ni thei hmasa ber a nih thu a tarlang.

Jay-Z hausakna hi music piah lamah, kum 2014-a a lei zu company Armand de Brignac champagne, art, in leh lo leh a Uber company-te aṭanga chhut khawm a ni. Kum 2014 khan rapper legend zinga mi Dr. Dre chuan rapper zinga billionaire ni thei hmasa ber nih a tum thu a sawi a, mahse a thei ta lo. 

US, Brooklyn khawchhuak Jay-Z hi music khawvel a luhchilh hma chuan drug dealer a ni ṭhin a, mahse kum 1996 aṭang khan Record label 'Roc-A-Fella Records' siamin, a album hmasa ber "Reasonable Doubt" pawh kha he ama record label kaltlang hian a tlangzarh a ni.

He album aṭang hian a hlawhtling chho hle a, a nupui Beyoncé nen hian $tld 1.4 an nei niin Frobes chuan a tarlang.

Forbes-in Hip-Hop Artist hausa top 5 a tlante:     

1    Jay-Z     - $tld 1 

2    Dr. Dre     - $mtd 800 

3    Diddy     - $mtd 740 

4    Kanye West     - $mtd 240 

5    Drake     - $mtd 150