Sunrider International CEO-in Mizoram rawn tlawh

Sunrider International CEO Sunny Beutler chuan Mizoram rawn tlawhin January 10, Inrinni liam ta khan Hotel Regency conference hall-ah Mizorama Sunrider member-te nen an inkawm a; visa-a harsatna awm lohna hmunah India rama Sunrider member-te an zin theih nana ruahmanna an siam thu a sawi.

Sunny Beutler hi Mizorama a vawi khat rawn zinna a ni a, Mizoram Sunrider member thawk ṭhate - Lalchhanhimi hnenah 2025 Career Rank Consistancy Award, Chanchinmawii hnenah IBO Top Sponsor Award leh Johny R Nohro hnenah 2025 Fastest Leader Growth Award-te a hlan a ni. Beutler chuan Sunrider Daily App (mobile app) an duan thu leh kumin chhunga tlangzarh hman an tum thu a sawi a; home coming booth camp leh incentive travel ang chite a tam thei ang ber Asia-ah neih an tum thu a sawi bawk.

Mizoramah hian Sunrider Corporate Office hi kum 2013 khan Zarkawtah hawn a ni a; Sunrider India headquarters hi Gurgaon-ah awmin, tunah hian khawvel pumah Sunrider member leh a product hmangtu mi maktaduai 15 vel an awm mek.