Dolly Parton a piancham lawmnaah tel dawn lo

American singer-songwriter leh actress, Dolly Parton chu kumin January 19-a a piancham kum 80-na, Grand Ole Opry-a lawmna buatsaih turah a tel dawn lo.

Hemi chungchangah hian Parton chuan a Instagram-ah thuchhuah siamin, kumina a piancham lawmna January 17-a Nashville-a neih turah a tel dawn lo tih a tarlang. Opry member Lainey Wilson, Vince Gill, Rhonda Vincent leh songwriter Trannie Anderson-te chuan a ai an awh dawn a ni. A piancham lawmnaa a tel theih loh tur thu hi kum kaltaa December thlaa concert a neih tur kumin September thlaa sawn hlat a nih hnuah puan a ni. Parton hi kum kalta November 6 khan Governors Awards Gala-ah Jean Hersholt Humanitarian hlan niin, hemi ṭum pawh hian a tel thei lo a ni.

Kum 79 mi Parton hi Caesars Palace-a The Colosseum-ah concert vawi ruk nei tura ruahman a ni a, hriselna lama harsatna a neih avangin concert hi an lo sawn hla tawh bawk a ni.