‘Taxi Driver 3’ in entu ngah

South Korean revenge drama, ‘Taxi Driver 3’ chu January 10 khan episode hnuhnung ber tihchhuah niin, kumina kdrama entu ngah ber a ni. Entu zingah kum 20-49 an tam ber bawk.

Nielsen Korea tarlan danin, ‘Taxi Driver 3‘ finale chuan a time slot-ah pakhatna a hauh a, ram pumah average rating 13.3% neiin, kar hmasa chhunga miniseries en tam ber a ni. Hetih mek lai hian KBS 2TV drama thar, ‘To My Beloved Thief’ chu episode thumna tihchhuah a nih hnuah a rating a sang chho hle bawk. He drama fantasy romance hi ram pumah average rating 5.6% neiin, kar hmasaa episode hnihna aiin full percentage point a sang zawk a ni. MBC drama thar, ‘The Judge Returns’ chuan episode lina tihchhuahah viewer 5.8% a nei bawk. JTBC drama ‘Surely Tomorrow’ leh tvN drama ‘Pro Bono’ pawh an che ṭha hle bawk a ni.