Fan-te duh ber Bruno Mars hla thar 'I Just Might'

Billboard-in kar hmasa chhunga rimawi chhuak thar zinga fan-te duh ber thlanna poll a siamah, American singer-songwriter ni bawk Bruno Mars single hla thar 'I Just Might' chuan duhtu ngah berin vote tla zawng zawng aṭanga 71% a hmu pha. Poll-ah hian The Kid LAROI, Zach Bryan, leh Robyn-te lang ve mah se Bruno Mars erawh an tluk zo lo.

Bruno hla thar hi kum 10 hnua solo album a tihchhuah leh tur, 'The Romantic' a hla tur a ni dawn a, album thar tur hi Bruno album palina tur a ni dawn bawk. Album thar hi February 27-ah Atlantic Records aṭangin tlangzarh a ni ang.

Poll-ah hian The Kid LAROI hla 'Before I Forget EP' chu pahnihna niin vote tla 17% a hmu pha a, pathumnaah Zach Bryan hla thar 'With Heaven on Top' chuan vote 3.89% a hmu pha ve leh bawk. Palina Robyn hla 'Talk to me' chuan vote 2.68% hmuin a che ṭha pawlah a lang pha ve bawk a ni.