'The Studio' season 2 filming nei ṭan dawn

American satirical cringe comedy TV series, 'The Studio' chu Pathiannia Golden Globe Awards-ah best comedy/ musical TV series a dawn hnuah, tunkar aṭang hian season hnihna filming neih ṭan a ni dawn tih executive producer Seth Rogen chuan a sawi.

'The Studio' season khatna kha Los Angeles-ah filming tih a ni a, USD mtd 13.2 a la lut a ni. Season hnihna hi Apple TV-in a ti chhuak dawn em tih erawh hriat theih a la ni lo. 'The Studio' ah hian Rogen, Catherine O'Hara, Kathryn Hahn, Ike Barinholtz leh Chase Sui Wonders-te an chang a ni. Producer zingah Rogen, Evan Goldberg, James Weaver, Alex McAtee, Josh Fagen, Alex Gregory leh Peter Huyck-te an tel bawk.