83rd Golden Globe Awards: 'One Battle After Another' leh 'Hamnet' che ṭha

Film leh Television lama che ṭhate chawimawina, Golden Globe Awards 2026 chu Pathianni zan khan Beverly Hills, Los Angeles-ah sem chhuah a ni. Film category-ah 'One Battle After Another' leh 'Hamnet' te an che ṭha a, TV lamah Netflix 'Adolescence' chuan award pali dawngin a che ṭha ber bawk.

'One Battle After Another' hian best motion picture (drama) bakah, best director leh best adapted screenplay award a dawng a, 'Hamnet' hi best motion picture (musical or comedy) ah thlan a ni.

Netflix mega-hit KPop Demon Hunters chuan best animated film leh best original song award a dawng. KPop Demon Hunters hi kum kalta June thlaa tihchhuah niin Netflix-ah thla hnih chhungin animation en tam ber a ni a, Billboard Hot 100-ah original song 'Golden' chu tlangzarh a nih aṭanga kar reilo teah No.1 ah a lang thei bawk.

83rd Golden Globe Awards-ah hian film leh television caterogy bakah, a vawi khatna atan podcast category siam a ni a, Amy Poehler chuan 'Good Hang With Amy Poehler' hmangin Best Podcast Golden Globe a dawng.