Billboard Hot 100-a No.1 ni rei ber 'All I want for Christmas Is You'

Khawvel huapa rimawi hrang hrang chetvel dan kimchang tarlang ṭhintu, Billboard chuan kum 1958 August 4 aṭanga Hot 100 an thlanna an kalpui hnua No. 1 ni ngun ber chu Mariah Carey 'All I want for Christmas Is You' hla a ni tih a tarlang. Maria Carey hian he hla hmang hian Hot 100 hi kar 22 chhung a zawn loin a lo luah tawh a ni.

Billboard kaltlanga hla hit zual tak takte chet ṭhat zawng tehna chart, Hot 100 chuan an chart a No.1 ni thei ngun ber an tarlan bakah No 1 ni ngun dang tarlang telin, Shaboozey hla 'A Bar Song (Tipsy)' leh Lil Nas X feat. Billy Ray Cyrus 'Old Town Road' chu kar 19 No.1 an lo ni ve tawh bawk.

Heng bakah Mariah Carey & Boyz II Men hla “One Sweet Day,”, Luis Fonsi & Daddy Yankee feat. Justin Bieber “Despacito,” leh Morgan Wallen “Last Night,” te chu kar 16 Hot 100-ah No.1 an lo ni ve tawh bawk a ni. Artist zingah Mariah Carey hi Hot 100-a No.1 kar 10 aia rei ni thei hla pathum nei awmchhun a ni bawk a ni.