Max Richter-a'n Berlinale Camera award dawng dawn

German-British composer leh pianist, Max Richter chuan 'Hamnet' film-a a hla phuah 'Hamnet' tih hmangin Berlin Film Festival, kumin February 18-a Berlin Haus der Berliner Festspiele-a neih turah Berlinale Camera award a dawng dawn. Berlinale Camera Award dawng tawh zingah Agnes Varda, Rainer Rother, Richard Linklater, leh Edgar Reitz-te an tel. Berlin Film Festival vawi 76-na hi February 12-22 chhungin neih a ni dawn a ni.

'Hamnet' bakah 'Waltz with Bashir', 'Ad Astra', 'Mary Queen of Scots' leh HBO series 'The Leftovers'-ah pawh Richter hla phuah hi an lo hmang tawh a ni. He hla phuah thiam hian kum 2004 khan a solo project 'The Blue Notebooks' leh kum 2015-ah 'Sleep' tih a lo tichhuak tawh a, kum 2024 khan a solo album 'In A Landscape' a tichhuak leh bawk.