ENHYPEN leh Korean Red Cross thawk dun

South Korean boy band, ENHYPEN chuan thisen pek campaign chawilarna atan Korean Red Cross an thawhpui dawn. An company BELIFT LAB chuan January 12 khan Korean Red Cross nen Memorandum of Understanding (MoU) an ziak tih an puang.

MoU hi HYBE headquarters-ah an ziak a, he hunah hian BELIFT LAB official-te leh Korean Red Cross bakah ENHYPEN member-te pawh an tel a ni. ENHYPEN leader Jungwon chuan Korean Red Cross nen an thawhdunna tur chungchang sawiin, thisen pek chu mi dang nun chhanhimna atana pawimawh tak a nih thu a tarlang. Campaign-a an tel thei chu chawimawina a nih thu sawiin, mi dang tan malsawmna a nih theih a beisei thu a sawi bawk.

ENHYPEN hian an mini album thar 'THE SIN: VANISH' chu kumin January 16 hian an tlangzarh dawn bawk a ni.