YouTube-in nu leh pate thuneihna huang zauh

YouTube leh social media platform hrang hrang chuan an platform kaltlanga nu leh pate thuneihna chin zauhin, naupangte himna turin fate en theih loh tur block theihna 'parental control' an siam tih Nilaini khan an puang. Nu leh pate hian an fate chu YT leh social media platform dangte en theih chhung, timer an siam sak thei tawh dawn a ni.

Nu leh pate chuan an fate chu an account an block sak theih dawn bakah, TikTok leh Instagram reels en theih hun chhung pawh an siam sak thei dawn. YouTube chuan nu leh pate chu mahni duhdanin mut hun leh chawlh hun tur reminder pawh an set sak thei tawh dawn a, he feature thar hi puitling tan pawha hman theih tura tih a ni bawk.

Feature thar hmang hian YouTube chuan puitling leh naupang account chu awlsam zawka thlak kual theih maina tur pawh an siam tel dawn niin an tarlang tel a, hemi hmang hian awlsam takin apps a inhman ṭawm theih tawh dawn a ni. YT hian nikum lam khan tleirawlte tana duan age-estimation technology chu account neitu kum hriatna tur hian a lo tlangzarh tawh bawk a ni.