J.Cole album thar tlangzarh dawn

American rapper leh record producer, J.Cole chuan a album thar 'The Fall-Off' chu kumin February 6-ah a tlangzarh dawn tih a puang. Album trailer a tihchhuah hnu rei loteah Cole chuan project aṭanga a hla pakhat chu social media-ah pholangin, "Disc 2 - Track 2" tihin caption-ah a dah.

Cole fan-te chuan kum 2018 aṭang tawh khan 'The Fall-Off' album hi an lo nghak tawh. Kum eng maw zat chhung he album hi tlangzarh a lo tiam tawh a, kum 2019-a Las Vegas-a a perform hnuah album hi tihchhuah a nih tur thu a sawi. Kum 2020 kumtawp lamah list tichhuakin, 'The Fall Off' chu tlangzarh a la ni dawn tih a sawi leh bawk. Mahse, Cole hian kum 2021 khan 'The Off-Season' chu a tichhuak leh ta zawk a, he album-ah hian 21 Savage, Lil Baby leh 6lack-te a thawhpui a, tlangzarh a nih aṭangin Spotify one-day streaming-ah record siamin, Billboard 200-ah No.1 a nihpui bawk a ni.