Robbie Williams album thar 'BRITPOP' tlangzarh

English singer leh songwriter, Take That pop group aṭanga khawvel hriat Robbie Williams chuan a album thar, track 11 awmna 'Britpop' chu sawi lawk awm loin a tlangzarh thut. Tihchhuah hun tur aia kar thum a hmain a tlangzarh a, fan-te a rawn surprise a ni.

Williams studio album 13-na hi vawi eng emaw zat tihchhuah a nih tur hi puan a ni tawh a, mahse sawnhlat a ni. Williams hian Taylor Swift album chhuah dawn vanga sawn hla a a nih thu TV show-ah a lo sawi tawh a ni. Britpop album hmanga UK Official Album Chart a No.1 a ni thei a nih chuan Williams hian The Beatles nen an dinhmun inang mek chhuahsanin, record thar Official Album Chart-a No.1 vawi 16 ni thei a nih theih phah dawn a ni.