Diriyah Tennis Cup-ah Wawrinka

December 12-14 chhung hian Diriyah Tennis Cup khelh a ni dawn, Saudi Arabia rama tennis inelnaah hian player langsar tak tak an tel dawn - inlan tur zingah Grand Slam vawi thum champion tawh Stan Wawrinka pawh a tel.

Swiss star Wawrinka bakah hian Gael Monfils leh Daniil Medvedev te pawh an inlan dawn a, inelna hi season chawlh laia neih ni mah se January thla a khelh tur Australian Open inbuatsaihna zingah a tel thei ang.

Wawrinka, Monfils leh Medvedev te hma hian David Goffin, Fabio Fognini, Lucas Pouille, John Isner leh Jan-Lennard Struff te chuan hming an lo pe tawh bawk; ranking sang zual 20 zinga paruk an inlan dawn tihna a ni.