A24 kutchhuak sum lalut tam ber 'Marty Supreme'

Khawvel huapa movie hmuhnawm tak tak min chhawp chhuahsak ṭhintu, production company lian A24 chuan an film tihchhuah tawh zawng zawng zingah North American huam chhunga sum la lut tam ber chu 'Marty Supreme' a nih thu an tarlang. 'Marty Supreme' hian North America-ah USD mtd 80 a lalut tling tawh a ni.

Hetih laiin Marty Supreme hi khawvel pumah hmun thlan bikahte chauh tlangzarh leh en theih a la ni a, hemi vang hian sum lak luh zat hi a la pun zel a rinawm.A changtupa, Timothy Chalamet hian a role a chang hneh bawk a, hei hi film hit zual chhan pawh a tih theih bawk.

Marty Supreme hi A24 hnuaiah USD mtd 70 senga siam niin a changtupa ber Chalamet hian Golden Globe leh Critics Choice award-te a lo dawng tawh a, tun kar Ningani-a puan tur Oscar nomination-ah pawh lang ngei tura rin kai zingah a tel pha a ni.