China Box Office-ah 'Zootopia 2' la chungnung zel

Disney kutchhuak, 'Zootopia 2' chu China Box Office-ah a la chungnung chhunzawm zel. Artisan Gateway-in a tarlan danin, animated sequel hian kar hmasa chhung khan RMB mtd 36.2 (USD mtd 5.1) a lak luh belh leh a, a sum lak luh tawh zawng zawng hi RMB tld 4.37 (USD mtd 615.2) a tling. Khawvel puma a sum lak luh tawh chu USD tld 1.7 a tling tawh bawk a, kum 2024-a tih chhuah Disney sequel 'Inside Out 2' a khum der tawh.

Pahnihnaah Maoyan movie crime thriller, 'The Fire Raven' chu awmin, USD mtd 5 a lak luh belh a, sum a lak luh tawh zawng zawng chu USD mtd 51.3 a ni. James Cameron kutchhuak, 'Avatar: Fire and Ash' chu pathumna niin, USD mtd 4.3 la lutin, tlangzarh a nih aṭanga sum a hmuh chhuah chu USD mtd 153.4 a tling tawh bawk.