HUNTER/X "Golden"-in record thar siam

21st January, 2026

Netflix animation series, KPop Demon Hunter aṭanga khawvel hriat fictional girl group HUNTER/X chuan an hla, Golden hmangin Billboard Global Excl. US chart-ah record thar an siam a, No.1 ni rei ber dinhmun an chelh mek. Golden hla hi Billboard Global Excl. U.S. chart-ah hian kar 20 chhung No.1 dinhmun luahin ROSÉ leh Bruno Mars’ “APT” a rawn khum a ni.

Billboard Global Excl. U.S. chart-ah hian ROSÉ leh Bruno Mars hla “APT” chu No.1 ni rei pahnihnaah awmin kar 19 chhung dinhmun sang ber a lo luah ve tawh bawk. Pathumnaah hian Bruno Mars telna bawk, Lagy Gaga nena an hla 'Die With A Smile' chu awmin, kar 17 chhung No.1 a lo ni tawh a ni. HUNTER/X ah hian EJAE, Audrey Nuna leh REI AMI ten an aw thawhin an zai hian ngaihven a hlawh zui phah hle .