Mobile user zingah X aiin Thread hmangtu tam tawh zawk

Market Intelligence firm, Smilarweb zir chianna report thar berah Elon Musk 'X' aiin Meta enkawl 'Threads' chuan mobile device aṭangin nitina hmangtu a ngah tawh zawk tih tarlan a ni. Mahse, Threads hian web kaltlanga hmangtu neih ngah lamah X hi ala phak lo thung.

Similarweb-in a tarlan danin, Threads hi iOS leh Android aṭangin kumin January 7 thleng khan hmangtu, nitin mi maktaduai 141.5 nei anga chhut a ni.Hetih laiin X erawh chu hemi hun chhung vek hian nitin mi maktaduai 125 in an hmang ṭhin anga tarlan a ni ve bawk. Threads hian tun hnaiah feature thar hrang hrang a tichhuak a, hei bakah Meta enkawl social media platform dang kaltlanga cross-promotion awm hian hmangtu a tipung zual niin an tarlang.

Hetih laiin X erawh an chatbot, AI Grok kaltlanga saruak lam hawi siam theih vangin sawisel leh khin a tawk nasa hle a, hei hian hmangtu a tlakhniam tir niin an ngai. X hi US-a California state bakah, UK, EU, India, Brazil leh ram dang ṭhenkhatin an chhui zui mek bawk.