BBC-in YouTube-ah content siam dawn

BBC leh YouTube chuan inremna pawimawh tak siam tumin inbiakna an nei mek a, inremna an siam hnuaiah hian British broadcaster chuan video platform atan content a siam dawn a ni.

Inremna siam an tum thu hi Financial Times-ah tarlan niin, tunkarah puan a nih beisei a ni. BBC hian YouTube-a a channel enkawl thar leh a enkawl tawh sate tan bespoke show a siam dawn a, BBC iPlayer leh BBC Sounds-ah pawh dah tel a ni ang. Hemi chungchangah hian BBC leh YouTube chuan thuchhuah an la nei lo thung. FT chuan BBC-in YouTube-a content a siam tur chu naupang zawkte tan a nih thu tarlangin, BBC Three-in show a siam hmangin naupang programme leh infiamna lam ngaihpawimawh a ni ang.