A$AP Rocky-a'n world tour neih hun tur puang

American rapper leh record producer, A$AP Rocky chuan a studio album palina, kumin January 16-a a tlangzarh 'Don't Be Dumb' world tour chu kumin May 27-ah Chicago-ah khuh hawn a ni dawn tih a puang. Ni 42 chhung tour neih tur hi Live Nation promote niin, September thlaa Paris-a a tawp khar a nih hmain, North America leh Europe hmun hrang hrangah neih a ni ang.

Tour a neihna tur zingah Los Angeles, Toronto leh Houston pawh telin, July 11-ah Newark, New Jersey-ah show a nei bawk ang. Hemi hnuah Rocky chuan Europe a pan leh dawn a, August 25 aṭangin Brussels-ah show 18 a nei dawn a, September 30-ah Paris-ah a tawp khar a ni dawn a ni. UK-ah hian London, Glasglow leh Manchester bakah Dublin-ah a perform bawk dawn a ni.