Roxette singer Marie Fredriksson a thi

Roxette vocalist Marie Fredriksson chu December 9 zing khan kum 61 mi niin a thi.

Swedish star hi kum 17 zet cancer a vei hnuah December 9, Thawhṭanni khan a thi ta tih a manager chuan nimin khan a sawi. Roxette-a a bandmate Per Gessel chuan Marie a uithu sawi nghalin, "Kum 40 chhung zet chu ka ṭhian ṭha ber i ni. Thil erawh a danglam dawn ta a ni," tiin a ṭhiannu hi a thlah. Anni pahnih hian 1986 khan Roxette hi dinin an pahnih hian member chu an ni mai a, 1990 chho vel khan an lar hle.

'The Look', 'Joyride' leh 'It Must Have Been Love'-te chu Mizo-te pawhin kan hriat an hla larzual an ni a, rimawi khawvelah chawimawina ngaihhlut eng emaw zat an dawng tawh a ni. Marie Fredriksson hian a pasal  Mikael Bolyos leh a fate pahnih a thihsan.