Sawmtea'n zoram mipui hnenah lawm­thu a sawi

Hunpui kan thleng meka, zaithiamte pawhin sawmna an dawng nasa chho hle. Hetiang kar­ah hian Sawmtea pawh hian zaina tur indaih lo khawpin hun a hmang a, ni khatah hmun eng emaw zatah a zai ṭhin.

Zoram huap prog­ramme lian tak tak bakah Kohhran pawl hrang hrang leh veng­chhung programme tam tak bakah Tripura leh Manipur thlengin sawmna a hmu chho zel a, tun thla chhunga programme a full vek tawh a ni.

Hetiang a nih avang hian Sawmtea chu a lawm hle a, amah duhsaktu Zoram mipui zawng zawngte chung­ah lawmthu sawiin, Krismas leh Kumthar lo thleng turah pawh hian Pathian duhzawng a hun hlimawm tak hmang tur­in mipuite a chah bawk.