Songwriters Hall of Fame inductee puang

CBS Mornings chuan kumin July 11-a Marriott Marquis Hotel, New York City-a Songwriters Hall of Fame-a lak luh turte a puang. Inductee zingah Taylor Swift, Alanis Morissette, Kenny Loggins, Christopher “Tricky” Stewart, Paul Stanley and Gene Simmons of Kiss, Terry Britten & Graham Lyle leh Walter Afanasieff-te an tel.

Taylor Swift (36) hi Songwriters Hall of Fame inductee naupang ber pahnihna a ni dawn a, kum 1983 khan Stevie Wonder chu kum 32 mi niin lak luh a lo ni tawh a ni.

SHOF chairman Nile Rodgers chuan music industry chu hla phuah thiam talent nei ṭha tak takten an chawikan a nih thu sawiin, an thiamna tel lo chuan rimawi, concert leh fan-te nen inzawmna a awm thei lo tih a tarlang. Hla phuah thiam chawimawina hlan tur an la awm zel chu lawmawm a tih thu a sawi bawk. Hla phuah thiamte hian khawvel puma an hla ngaithlatu mi tam tak nunah nghawng ṭha a nei a ni, a ti.